♫♫♫♫♫ အလွမ်းရဲ့မြို့တော် ♫♫♫♫♫

မီးကျွမ်းအရိပ် ၊ တိတ်တဆိတ်ပဲ့ကျ
စိုးထိတ်ကြေကွဲ ၊ လွမ်းနေဆဲမှာ
ခဲရာခဲဆစ် ၊ နှောင်တွယ်ရစ်သော
အချစ်ချောများ ၊ အပြေးလွှားမျောပါ
ခါးသောနေ့ရက် ၊ လိုက်ပွေ့ဖက်လာ
မတတ်သာအောင် ၊ ကျွမ်းလောင်ပူခြင်း
နေဆယ်စင်းလို သောကတွေ…။

ချစ်ကြင်စဉ်က
အပြုံးလှနှင့် ၊ ဖွဖွအနမ်း
ရင်တွင်းချမ်းမြ ၊ လန်းလှတဲ့ပန်း
မြတ်နိုးပန်းနှင့် ၊ စမ်းတမျှကြည်
သူရေးသီသည့် ၊ ရွှန်းကြည်ကဗျာ
ချစ်မေတ္တာရောင် ၊ ထွန်းလင်းပြောင်လက်
ရင်တွင်းသက်တော့ ၊ သူ့ခေါင်းမော့ခိုင်း
နှင်းဆီရိုင်းတစ်ပွင့် ၊ ဆံယဉ်တင့်အောင်
ဝင့်ဝင့်ကြွား ပန်ဆင်ပေးလိုက်မိ…။

သူ့ဘ၀ဟာ
ကိုယ့်ဘ၀ပါလို့ ၊ စိတ်မှာသိရှိ
ကတိတွေထား ၊ သစ္စာများဆို
မဝေးလိုဘူး ၊ အို… အချစ်ဦးရယ်
အရူးအမူး ၊ ရင်ဝယ်စူးနစ်
မြေခြားရစ်လည်း ၊ ချစ်မြဲမဆုံး
ပုံမှန်ဖုန်းခေါ် ၊ သူ့စာမျှော်ရ
အချစ်စရှည် ၊ သောကထွေပွား
စိတ်များ သူ့ထံသာ ရောက်ရောက်နေ…။

တခြားအချစ် ၊ ချစ်သူသစ်ကို
မရှာလိုဘူး ၊ အထူးရင်ခုန်
ပြန်ဆုံချိန်မှာ ၊ ပျော်စရာရှာဖွေ
ပန်ခြံတွေသွား ၊ ဘုရားတွေဖူး
တမေ့တမူးပျော် ၊ ကြည်နူးရွှင်ပျ
သောကနဲ့ဝေး ၊ စိတ်အဆွေးမရှိ
လွန်ပီတိဖြစ် ၊ အချစ်မြစ်တစ်စင်း
ကြည်လင်ခြင်းများနဲ့ စီးနေရဲ့…။

ဒါပေမယ့်လေ…
ကြမ္မာမွှေနှောက် ၊ မုန်တိုင်းရောက်သလို
ကြောက်စရာရောဂါ ၊ သူ့မှာကပ်ငြိ
နွမ်းချိကြေကွဲ ၊ မစဲတဲ့မျက်ရည်
ပူစွာကြွေဆင်း ၊ ဘ၀ချင်းခြား
အိပ်မက်များပြယ် ၊ အင်အားတွေပျောက်
အလွမ်းတောက်ပ ၊ မှောင်ကျတဲ့ဘ၀
ခဏခဏငိုနေမိပါရဲ့…။

ချစ်သူရေ………. လို့
ရင်မှာဆို့စွာ ၊ အော်နေတာကို
သူဟာ ကြားနိုင်ပါ့မလား…။

တစ်ချိန်ဆီက ၊ လှပတဲ့အချစ်
ဝေးရစ်ဝေးကွာ ၊ ဆွေးစရာဘ၀
မှုန်ပျတွေဝေ ၊ အချစ်တွေဟာ
ကောင်းကင်မှာလား ၊ မြေမှာလားလို့
ပြေးလွှားရှာဖွေ ၊ ရူးနေသလို
စိတ်ရှုပ်ပြိုကျ ၊ မျက်ရည်စများ
ချောသောပါးပေါ် စီးဆင်းနေရဲ့…။

အချစ်ပျောက်တဲ့ ၊ ဘ၀ရဲ့လမ်း
မောဟိုက်နွမ်းလျ ၊ မွမွပဲ့ကြေ
အရှုံးတွေဆင့် ၊ ဝေဒနာရင့်များ
များပြားစွာသီးပွင့် ၊ ချတဲ့ပင့်သက်မှာ
အက်ရာတွေချည့်…။